بنووتــــــه حلـــووة المشرف العام
عدد الرسائل : 3284 العمر : 32 الاوسمه : عارضة الطاقة : تاريخ التسجيل : 10/11/2008
| موضوع: شوفوا موظفين الدليل 905 وش يسوون ( الي يموت من الضحك انا ما اتحمل مسؤليته ) الأربعاء مارس 25, 2009 8:21 am | |
| شوفوا موظفين الدليل 905 وش يسوون
كان الموظف مرهق ومزاجه مش ولابد وخصوصا والمايك معلق على راسه وهو يستقبل مكالمات المشتركين :
المكالمه الاولى : شايب كبير السن الموظف : الو ..استعلامات الدليل محمد الــ......, مرحبا المواطن : الو .. ممكن لو سمحت تعطيني رقم صالح تركي خالد الموظف : وين ساكن اخوي لو سمحت المواطن : ساكن هنا قريب منا الموظف : وين قريب منكم بالضبط المواطن : ياخوي هنا جمبنا جارنا ماتعرفون رقمه الموظف : ياعزيزي انا مادري انت وين بعد المواطن : اقول والله ماعندك ماعند جدتي بس طوط طوط انقطع الخط
المكالمه الثانيه : صوت ناعم الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك طوط طوط انقطع الخط
المكالمه الثالثه : طفل يرفع الضغط الموظف : الو ..استعلامات الدليل محمد الــ......, مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود سليمان ابراهيم الموظف : طيب خذ رقمه ؟؟؟؟؟؟؟؟؟؟ الطفل : لحظه ابي رقم ثاني بعد . ابي رقم هذا وشسمه ... احمد عبدالله ناصر الموظف: طيب خذ رقمه ؟؟؟؟؟؟؟ (ممنوع اكثر من اسم في مكالمه) الطفل : طيب ابي واحد ثاني هذا رقم عبودي ولد ام ناصر صديقت امي الموظف : اتصل مره ثانيه لانه ممنوع اكثر من رقم في اتصال واحد الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي الموظف : ارتفع ضغطه ( اقول اسمع ............. طوط طوط قفل الخط
المكالمه الرابعه : كانت صوت ناعم الموظف : الو ..استعلامات الدليل محمد الــ......, مرحبا الصوت الناعم : عوافي اخوي الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا الموظف : طيب خوذي الرقم ؟؟؟؟؟؟؟؟؟؟؟؟؟
المكالمه الخامسه : كانت صوت ناعم اوي الموظف : الو ..استعلامات الدليل محمد الــ......, مرحبا الصوت الناعم : مرحبا اخوي ممكن تعطيني مستشفى العيون للولاده الموظف : كيف ..؟؟؟؟؟ الصوت الناعم : مستشفى العيون للولاده .. تسمع يا اصقه الموظف : يبي يصرفها المكالمه مسجله طبعا ( هذا رقمه غير معلن ) الصوت الناعم : طيب ظف وجهك طوط طوط انقطع الخط
المكالمه السادسه : كان صوت ناعم.. بنت الموظف : الو ..استعلامات الدليل محمد الــ......, مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم ؟؟؟؟؟؟؟؟؟ الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها الصوت الناعم : ماهي زينه ... مايبيعون الا فكس .. طوط طوط انقطع الخط
المكالمه السابعه : كانت فتاه ايضا الموظف : الو ..استعلامات الدليل محمد الــ......, مرحبا الفتاه : عيوني الموظف : بلا هالكلام ايش تبغين ............. (عشان المكالمه مراقبه) الفتاه : لا انا ابي محل عيوني للعدسات والنظارات اللي في التحليه الموظف : ايش اسمه عيوني الفتاه : لا مو عيونك عيوني انا ياعيوني الموظف : خوذي رقمه ؟؟؟؟؟؟؟؟ الفتاه : طيب شكرا لعيونك اللي كنها عيون بقره ... ههههههههههههههه عندها بنات يضحكون الموظف طلع وترك الدوام ولعن اليوم اللي توظف فيه
| |
|
مرام المدير العام
عدد الرسائل : 2881 العمر : 38 الاوسمه : عارضة الطاقة : تاريخ التسجيل : 05/07/2008
| موضوع: رد: شوفوا موظفين الدليل 905 وش يسوون ( الي يموت من الضحك انا ما اتحمل مسؤليته ) الأربعاء مارس 25, 2009 11:07 am | |
| مراحب هههههههههههههههه حركات هههههههههه طفرو الرجال سلمت يداك على الطرح تقبلي مروري مرام | |
|
الحب كله حلا المراقب العام
عدد الرسائل : 7659 الاوسمه : عارضة الطاقة : تاريخ التسجيل : 06/03/2009
| موضوع: رد: شوفوا موظفين الدليل 905 وش يسوون ( الي يموت من الضحك انا ما اتحمل مسؤليته ) الأربعاء مارس 25, 2009 3:39 pm | |
| ههههههههههههههههههههههههههههههههههههههههه الله يعطيكي الف عافيه اختي بنوته حلوه يسلمووو تحياتي اختي | |
|
بنووتــــــه حلـــووة المشرف العام
عدد الرسائل : 3284 العمر : 32 الاوسمه : عارضة الطاقة : تاريخ التسجيل : 10/11/2008
| موضوع: رد: شوفوا موظفين الدليل 905 وش يسوون ( الي يموت من الضحك انا ما اتحمل مسؤليته ) الخميس مارس 26, 2009 12:36 pm | |
| مرام الحب كله وهم دووم يااربي تضحكون نورتوا والله ودمتم بود | |
|