الوردة عضو شرف
عدد الرسائل : 652 الاوسمه : 0 عارضة الطاقة : تاريخ التسجيل : 07/07/2008
| موضوع: بدرية .....واخوها طلق..... الأحد أكتوبر 26, 2008 2:34 pm | |
| بدريــة ... واخوها طَلـق ...!! ل عبدالڪريم المهنا ) ))
الله خَلَق ... والله فَرَق هذيڪ بنت ... وذيڪ بنت ماهم مثل بَعض البنات والله يا بدرية قلق تلبس خَلَق ... واذانها فيها حَلق ودايم هواش مع امها وخواتها ... وحتى مع اخوها " طَلَـق " وڪل السوالف معها حَش اسمع ومَش ... وقل يالطيف اسبوع يقضي ماخذت بدرية دش ولا رَتبت اوضاعها وشوشتها دايم طايره ...!! وحتى ملابسها تفوح من العَرق وفي ثوبها بقعة مرق اما الاظافر اووووف اوووف ... الله يعين اللي يشوف اإظفر طوووويل واظفر قصير واللي انڪسر نصه وهي تسوي عصير واللي تحَته ڪومة سواد و روجها من " ابو ريالين " ذاڪ المتين اللي اذا شمه احد ڪح" ... وشَرق " والغرفة حوسة يالطيف مليانة خلقان ... و ورق وجزمة هنا ... وجزمة هناڪ ... وبلوزة من تحت السرير ... وعباتها تحت الحصير ودايم ڪذا
على أُمها شَر وأذى تصحى وتنام ... والجِير في فمها رُڪام وهواشها ما ينتهي ... ياصل لـ " حي أُم الحَمام " وياصل إلى جيرانها فِعلاً قلق دايم صراخ ... واحيان تاصل لليدين مع اختها واحيان حتى لـ أُمها ... وتقول سموني الـ مَها ...!! أُما المها ...؟! والله قوية حيل ... وابوها راڪبته ديوووووون وطايح مريض يقول صابتني العيون من الهم ذابحة الـ " تِتن " ماله سنون من عقب صالات البنوڪ صفى ع الباب ... ڪنه ذباب ... شيّب وهو توه شباب ... مفلس ... وداَج دفن قريشاته بـ أنعام مابين خرفان ونِعاج والنصف الآخر في زجاج و صحى ونام ولقى قريشاته مثل طير الحمام ڪفخوا جميع ... صاروا " غبارٍ في عَجَاج " وفجأة " قضى "
وبدى مثل شمعة يموع ... ويموت جوع وسڪن بمنفوحة واخذ " شقة ايجار " المغسلة عنهم يمين و ورشة حدادة من يسار ما فيه جار والصالة قاسمها بشرشف ... ما عندهم حتى جدار وماهوب فاضي يشوف بنته ومن فوق مالدنيا على ابوها جمر ... بدرية زادتها خراب وهذي حالتهم جميع ... هم ... والم وبدرية بنته شي غير أُم القلق دايم هواش وإلا ڪذب واذا جلست على الجهاز ثم فتحت ذاڪ المسن ... ڪلش تغير يالطيف خذ يا بڪش وخذ يا ڪلام ... وبدت ارانبها تناتق من ڪل باب تقول بدرية انا اسمى " مرام " وأُمي تدلعني " هيام " وشِلتي من ڪثر ما فيني حلا صاروا يسموني " غرام " ولو شفتني " ..والله ينا جرح ...وخقق " اسڪن بـ جنب المملڪة بـ حي الـ ورود وقبل سنة معي همر ... طعست به فوق النفود ... لڪن احسه مو حلو يلبق لأخوي ولادي حيل ... عطيته انا اخوي الوليد " مع ان اخوها اسمه طلق " والـ والد اهداني شَبح اسود ... جديد وسواقنا عبدالودود توّه شباب ... ومرة وسيم عن شاريخان مافيه زود وابوي رجل اعمال لو قلت لڪ اسمه عرفته على طول مرة ڪبير وانا مخطوبة من امير ... توه شباب ... ولد صغير واختي عهود متملڪة بـ واحد وزير والله يا بدرية خبال واللي يحادثها خَبَل تبڪش عليه وهو حمار واللي تقول يصدقه واللي مخربها بعد تسولف معه وتقول " هاي " وتسوي ضحڪتها ڪذا " ههههه " وتقول " ڪووووول " واحيان تڪتب " وهـ بس " واحيان " لوووووووول " و " ولڪمووو " و " يب " و " نب " وهو لها مثل الـ " ذَنَب " جرباء وهو ڪله جَرَب لاهوبيدري وش تقول وهي ما تدري وش تقول جمعهم الله هالـ ڪَرَب ياربي وش ذيڪ العقول وتقول انا بنيّة " ڪيوت " ومرة " عليڪ انا اموت " ومن جد " عسولة انا " و " يسلموووووو "
و" برب لحظة ياغلاي " بـ اطلع من الصالة واروح لغرفتي ... عندي جناح وهم بـ شقة غرفتين ... وصالة قسمها السيد الوالد غرفتين وڪل ماخذت تقول " تيت " وبعدين جيت واذا رجعت تقول " باڪ " وخذ هالڪلام وهي شهباء من شافها قال تهباء تڪذب ڪثير ... ومزاعلة حتى أُمها ... واخلاقها مرة دمار وفيها غباء واللي يحادثها بعد ڪنه حمار وان قال وينڪ امس ...؟! جَرَت له خراط مرة اسوي مونوڪير ... ومرات اسوي بودي ڪير وقصات شعر واحيان اسوي لي " شوبِنق " وموضة ملابس ... مع عطور عن جد تعبانة ڪثير لڪن حياتي جت ڪذا الله ڪتبنا اغنياء ... واهل مقام ... يا شينها لاجابتڪ بدرية من فوق لـ تحت تسحبڪ سَحب بـ خشتڪ وآخرها تلقاها " خمام "
هذا غرام اهل المسِن ... ملعون ابو جَدّه غَرام
" ملطــوشـه لعيــونــڪــم .."
| |
|
مرام المدير العام
عدد الرسائل : 2881 العمر : 38 الاوسمه : عارضة الطاقة : تاريخ التسجيل : 05/07/2008
| موضوع: رد: بدرية .....واخوها طلق..... الأحد أكتوبر 26, 2008 3:55 pm | |
| مراحب هههههههههههههههههههههههه حركات يسلمو على الطرح الرائع ما شاء الله عليها خوش اوصاف هههههههههههههههههه تحياتي مرام | |
|
الوردة عضو شرف
عدد الرسائل : 652 الاوسمه : 0 عارضة الطاقة : تاريخ التسجيل : 07/07/2008
| موضوع: رد: بدرية .....واخوها طلق..... الأحد أكتوبر 26, 2008 6:51 pm | |
| هلاوغلا
اختي روح مرام كل الشكرلمرورك اللطيف
| |
|
حلاتي بحركاتي عضو محبوب
عدد الرسائل : 403 عارضة الطاقة : تاريخ التسجيل : 29/08/2008
| موضوع: رد: بدرية .....واخوها طلق..... الثلاثاء أكتوبر 28, 2008 8:40 am | |
| ههههههههههههههههههههههههه من صدق الله فرق بس دي بنت ودي بنت سلامي حلاتي بجبروتي | |
|
الوردة عضو شرف
عدد الرسائل : 652 الاوسمه : 0 عارضة الطاقة : تاريخ التسجيل : 07/07/2008
| موضوع: رد: بدرية .....واخوها طلق..... الثلاثاء أكتوبر 28, 2008 11:04 am | |
| هلاوغلا
اختي حلاتي بحركاتي شاكرة تواجدك اللطيف | |
|