من يقول القلب عن حبك سلا

من يقول القلب عـن حبـك سـلا

والله انـك ملـح زاده والـشـراب

مرحبا بـك يابعـد عمـر ي هـلا

ذا صدى صوتـي يبلّغـك الجـواب

ما غفـت عينـي بعـد صـدك ولا

انجلى طيفك ولـو طـال الغيـاب

دامنـي حـيٍ علـى الدنيـا فـلا

ينشغل ظنك ولا تحسـب حسـاب

مابـه احـدٍ فـوق هالبيـدا مـلا

نظرت اعيوني سوى زاهي الخضاب

مارأت عينـي بعـد زينـك حـلا

كل زيـنٍ بعـد شوفتكـم سـراب

ربـع ابقـلـبٍ بليـتـه وابـتـلا

اشغلـه حبـك وذوقـه الـعـذاب

تدري انه من هـوى غيـرك خـلا

وتدري انك دون نزواتـه حجـاب

انـتِ نجـمٍ فـوق هالزرقـا عـلا

وانتِ شمسٍ شامخه فوق السحـاب

ما يزيـن الشعـر ياعمـر ي بـلا

وصفكم يااجمل عناويـن الكتـاب


رووووووعة .. وايد كلمات روووعة

يسلموووووو

الحب كله وهم

كلماات في غااية الرووعة

ربي يعطيك العافية

ولا يحرمنا من طرحك المميز ياخوي

دمت بود