لك وهبتك دنيتي بس إنتي وينك

الزمان اللي رماني لك رجيتـه

يرمي قيود المحبه فـي يمينـك

والوصال بعالي القمه ضويتـه

يوم شفتك سايره قمرى تبينـك

انحنى قلبي ولاعمـري حنيتـه

بالعشق جيتك وانا كلي سجينك

غايتي ياجوهر الالماس جيتـه

الحسن يوم الحسن برقه جبينك

الشعاع بوجهك الطاهر حويتـه

صورة ٍ يحكي معالمهـا ثمينـك

العيون بشوفها سهوم ٍ مميتـه

تقنص صقور ٍ تهاوت حارسينك

نونها يسحر وذا نوري عميتـه

ما اشوف إلا ملاذي وسط عينك

الخشم مسلول في حسنه قريتـه

بالعدل مابين وجنـات ٍ وزينـك

والورود المبهمه بخـد هويتـه

حلم راودني عمر يحكي سنينك

الثغر وصفه الى منـي بغيتـه

اسكر بخمرك وشهد ٍ في كمينك

طلع صدرك راوي لو ما جنيته

فوق خصر ٍ جايع لمّه ضنينـك

الردايف تشتكي يامـن ربيتـه

خطوتك عجله تركّـد طالبينـك

شوف ميلة ذا على هذا فديتـه

في سياق الخطوه دايم متعبينك

حدرهم غالي وفي عرفك حميته

مايطوله غير من يرضاه دينـك

وصفك وزينك سرق حيي وميته

وانولد في شوفتك طفل ٍ بيدينك

اعترف لك داخلي نبع ٍ مليتـه

جف قبل المحك هاليله مدينـك

اشهد إنك فرحتي عمري هديته

لك وهبتك دنيتي بس إنتي وينك

الله يعطيكي الف عافيه اختي مرام نورتي صفحتي تحياتي اختي

الله .. كلمات جميلة واحساس رائع

يعطيك ألف عافية

وجوديك وتواصليك معي اختي ام حسن هو الاروع الله يعطيكي الف عافيه اختي ام حسن

كلمات في منتهى الروعة والإحساس
جميل ماخطه قلمك هنا من عبارات على السطور
لتزيد من عبيرها شذى وعطراً فواحاً إلى ما كتب فيها

الله يعطيكي الف عافيه اختي نورتي صفحتي تحياتي اختي

ثانكس الحب كله حلا ع الأبداع الدائم تقبل مروري

الله يعطيكي الف عافيه اختي مون نورتي صفحتي تحياتي اختي