ودي آخر شي اشوفك وانعمي

في عيوني , وش يساوي غيرك إنت ؟
ودّي آخر شي أشوفك . . و ( أنعمي ) !

أدري إن ضاقت عليك الدنيا خنت
وآنا . . . . أخون الدنيا لك يا آدمي !

جيت عندي وبْـ حمى قلبي إستعنت
ليه تطعني .؟؟ . . . . و فيني تحتمي !

حِسْ مَرَّهـ وحدَهـ في جَرحِي لاهنت
إرمِي طَلقَه . . وحِسْ بـ اللي ينرمي

كيف ترميني وعلى [ قلبي ] زبنت
" البلا " . . لا صار ضدّي محزمي

كنت قاسي وللأسف مايوم " لنت "
أنتمي لك . . وإنت لي ما تنتمي !

كنت لي قبري وأنا فيك إندفنت
جيت لك كلّي ورجع لي معظمي

كنت لك واحد وكل الناس إنت
كنت صوتي كنت شوفي ونْسمي

أذكر إنيّ كنت بين إيدك وصنت
وإذكر إنّك في جروحي " حاتمي " !

أدري إنّك في غيابي . . . ما حزنت
و رغم هذا . . . تدري إنّك ملهمي

كيف أضمن لك شعوري وماضمنت
من كثر { دقِّك } - تفكّكْه لْـ حمي

لك عقل يوزن [ بلد ] بس ما وزنت
الأمور . . . . , إللي تفوّر لي دمي !

في زوايا البيت وفي شعري سكنت
وفي حضن " أفكاري " دايم ترتمي

آهِـ مِنْ قِيدِكْ . . . . وماهو قِيد كنت
آهِـ مِنّك , كِيدِكْ ( أَدْمَى مِعْصَمي ) !

مراحب
سلمت يداك على الطرح الرائع
واتمنى لك مزيد من التقدم
لا عدمناك
تحياتي
روح مرام

يسلمك ربي روح مرام
نورتي والله
دمتي بود

كلامات روعه والله لا يحرمني من اشعارك

والله يعطيك العافيه اقبليني حنين الشوق

يعطيش العافيه اختي بنوتة حلوة

كل قصيدك روعه وشاعريه تسلم الايادي

ولاننحرم من جديدش الطيب نسمات

يسلمووووووو حبيبتي
ولا يحرمني من مرورك
دمتي بود

تسلمي والله نسمات
نورتي ياقلبي
ولا يحرمنا من مرورك
دمتي بود