أعاهدك باللي فرض حجة البيـت

أعاهدك باللي فرض حجة البيـت
مجفاك لو قبـري يشيـد ترابـه

جاني خيالك في منامي وفزيـت
وخلا دموعي مثل وبل السحابه

ياما على شوفة خيالـك تمنيـت
عزاه من جـرحٍ بقلبـي لجابـه

وياما من هموم المحبه ترويـت
والقلب زاد من الهمـوم إلتهابـه

وياما وياما من جروحك تداويـت
لاشك جرحك مايفيـد الـدوا بـه

وياما وياما بعالي الصوت ونيت
على الذي ماعاد يبـري صوابـه

ماينفع المجروح كثـر التناهيـت
جرح الهوى ياويل قلـبٍ لجابـه

كم من جروحٍ بالهوى منك عانيت
وجرحك بقلبي كل شخصٍ درابـه

أفرح ويطرب خاطري كل ماجيت
وقلبٍ تولـع فيـك لا واعذابـه

قالوا تمن قلـت ياليـت ياليـت
ألحق هوى اللي تل قلبي وغدا به

في مرقدي كني ندهتك وصديـت
ارحم جريحٍ صاح من حر مابـه

وجرحي خطيرٍ مير كاني توفيـت
أمانتـك قبـري تـزاور ترابـه

الله يعطيك الف عافيه اختي مرام نورتي صفحتي تحياتي

أعاهدك باللي فرض حجة البيـت
مجفاك لو قبـري يشيـد ترابـه

يسلمووو .. وااايد كلمات جميلة جداً

الله يعطيك الف عافيه اختي ام حسن نورتي صفحتي تحياتي

اعجبني ماكتبته اناملك وماسطرته
نبظات قلبك
لك اسلوب روعه
تحيه لك ولقلمك الرائع
تحياتي

الله يعطيك الف عافيه اختي سندريلا نورتي صفحتي تحياتي