يــــايـمه قومو صلو.

كان فيه شاب وكان هالشاب ساكن هو وامه فقط في بيت واحد لأن ابوه كان متوفي
وكانو مبسوطيين وعايشين بكل سعاده وخير مع شح وفقرذاك الزمان
المهم امه العجوز شبت عليه وقالتله ياوليدي ورى ماتعرس
وودي تزووج علشان اشوف عيالك قبل مااموت
وهو يقول بسم الله عليك عقب عمر طويل يوووه
المهم الحت عليه وهو وافق
وخطبتله امه هاك البنيه ( اللي كللها ملح )
الولد عقب العرس ..ماينلام استانس بحريمته وتوافق هو وياااه الحمدلله

لكن المشكله عاد ب( باالام) تضايقت شوي من الوضع غارت
وهذي فطره عند اغلب الحريم الكباار خاصة مع عيالهم
بدت إذا جاء الولد عقب الظهر داايخ
من الشغل وده يتغدا ويناام قبل يأذن الظهر.
وأول مايصك باب الغرفه هو والمره إلاّ والوالده تطق عليهم الباااب ( تنكيد يعني) قومو صلو
وان كان هو ماأذن تطق وتقول قومو تولمو توضو قبل الاذاان..
والولد ماغير ( يقول إنا لله وانا اليه راجعوون ) وش جاها أمي
وتطوور الوضع بدت العجيّز
إذا نامو بالليل تطق الباب قومو توضو صلّو صلاة الليل. قومو أوترو.. قومو قومو.وماغير تهجدهم وترجدهم بالليل وانهار
المهم الولد تضايق بالحيل تنكّدت عيشته مايدري وش يسوي الوالده صارت قشراء ماتعبّرهم داخليين بالغرفه تنهبل على طول...
ومرّه الولد كان عند رفيق له يقالّه ابوصالح كان يتقهوى ومع السواليف قص عليه السّالفه حقّته مع أمه وشكى على رفيقه ابوصالح حاله
قال ابوصالح انا اعرف علاج امّك زيين بس تطاوعني
قال الولد تكفى اللي تبي
بس فكّنا ياشيخ
قال أجل ابقولك : نبي نسوّي خطّه انا وانت بس لازم تطبقها تمام والا ترى تبي تخرب عليك
قال الولد .. تكفى قولي
المهم قاله الطريقه واتفقو
يوم صار يوم ثاني عقب العصر
جاء ابوصالح لبيت الولد وطق عليه الباب

ابو فلان ابو فلان وبدا يصوّت ابوفلان
(كانت بيوت الاولين صغيره وهدوء لدرجة ان اللي بالبيت يسمع كلام اللي بالشارع والعكس*)
المهم طلع الولد قال
ياهلاااااا ابو صالح يالله حيه
ادخل اقلط تقهوى
قال ابوصالح
لاوالله يابوفلان أنا عجل بس جيت ابي منك طلب وابمشي
(طبعا رافعيين اصوااتهم علشان تسمع العجيّز- وهي ماقصّرت تتسمع عليهم تبي تدري وش يبي ابوصالح بولدها)
قال الولد ادخل يارجال واطلب الّي تبي
الّي تبي بس تقهوى
قال ابوصالح .. الّي ابي؟؟
ماتردّني
قال الولد : والله ماأردّك لو تبي كل بيتي ومابه بس ادخل .. إلاّ شي واحد ماأعطيك اياه
قال ابو صالح وشّو؟؟ هالشي؟؟
قال الولد: لاتجي بس تبي تخطب أمي؟؟
ترى هذي اسمحلي ماأقدر أطلب كل شي إلاّ هذي ..
قال ابوصالح ليه؟
قال الولد : الله يعظّم أجره أميمتي
تقوّمنا لصلاة الظهر قبل يأذّن وتقومنا نتوضى بالليل . وتقومنا نوتر قبل الفجر . وتقومنا للفجر حريصه علينا
والله مااأفرط فيها ابد الله يخلّيها لنا ان شاء الله
قال ابوصالح : والله الصّراحه أنا جااين أخطب الوالده أجل
قاال الولد لااااا ياخووي
أجل طس لاتقهوى ولاشي مع السلامه . والوالده مهيب معرسه كل هالكلااااام والعجيّز تسمع!!ه)
راح ابوصالح والولد صك الباب
دخل الولد والى الوالده بوجهه قالت منهو ذااا؟؟
وش يبي؟؟؟
قال ياميمتي هذا خبل وطلب منّي طلب وطردته ( مابقا إلاّ هي بعد)
اسكتت وهي منقهره تبي تنفجر
وجاء الليل ونامو ولاقامو إلاّ الضحى
وجاء الظهر ونامو وماطق عليهم أحد
والعصر جاء الولد لأمه
قال ياميمتي سلامااات؟؟
ماقوّمتينا للصلاة الفجر ولا الظهر
عسى مااااشر ؟؟
قاالت العجييز: قومو أنتو خلاااص انا منب دايمتن لكم
خخخخخخخخخ
وبدت ماتطق عليهم وافتكّو من شرّها
وهي على رجاء خطبه ابوصالح ههههه

ههههههههههههههههههههه والله لو امي حطيتها فوق راسي لانها تنصح للصلاة ...
الله يخلي لينا امهاتنا ياااااااااااااااب
يسلمو على القصه...

هههههههه والله مسكينه هالعجوز

كان عرسها وارتاح

يسلمو على القصة الرائعه

هههههههههههههههههههههه

صحيح والله مسكينه ها العجوز

قصه في قمة الروعه
يسلمووو اختي مراحب على هالقصه الجميله
ربي يعطيك العافيه
تقبلي تحياتي العطره