الحل واحد ياممتاته يامماتي

الحبيب اللي من أول كان أجمل ذكرياتي..
صار أبشع ذاكره في داخل أعماقي دفينه..

ضيق الدنيا بعيني صدق..واحترت بجهاتي..
كنت أشبه ما أكون بحال قبطان السفينه..

لا ارتفع موج البحر والريح هبت والتفاتي
كان عكس الإتجاه اللي يحسس بالسكينه..

راكبين اثنين عرض البحر والمركب مؤاتي..
للغرق..أو..واحد منا يضحي عن ضنينه..

يعني كان الحل واحد..يا مماته..يا مماتي..!
البلى في ناتج الحلين..أموت من الغبينه..

قال:وش الحل؟قلت: التضحيه من واجباتي..!
لازم أضحي عشان أعطيك الطمأنينه..

قال: إفرض لو خذاك البحر..قلت:إعلن وفاتي..
قول: مات فلان لجل أعيش..!والمولى يعينه..

قال: طيب..لا رحلت شلون بتهنى بحياتي؟
قلت: فكر في رجوعي بس..وانطرني لحينه.

وانتبه تنسى..تكفى كل شي إلا وصاتي..
إنتبه للقلب تكفى..قال:في أيدي أمينه..

قمت أودعه بسكات ودمعتي تشرح سكاتي..
وما ذبحني الدمع إلا يوم أنا أقبل جبينه..

وأرمي نفسي للبحر..واختل في موجه ثباتي..
والبحر لبعيد أخذني..وصرت لأمواجه رهينه..

لكن الله مد في عمري..ونجاني بصلاتي..
ما وعيت إلا وأنا مابين شط..وبين طينه..

والحبيب اللي نجى ماكان متوقع نجاتي..
جيت من بعد الغياااب المر..أدور عن حنينه..

ما لقيته في المدينه..!! وانشغل بالي وأحاتي..!
ورحت من خوفي عليه أسأل الجيران وييينه؟!..

قيل:سافر مع حبيبه!..وهو بخير..لا تحاتي..
جاه غيرك ياخذه من قبل يومين بيدينه..!

وقتها..دنقت راسي حزن..حسيت بشتاتي..
وقتها حسيت نفسي طفل..أهله بايعينه..!

ذا وأنا لجل عينه ما بخلت بتضحياتي..!
والقهر..أكبر قهر..ما بين بعينه..!

دام حتى ما حفظ لي عشرتي وأحسن جزاتي..
وش برجي منه؟ لابو عشرته..لابو سنينه..

رحت بيتي..ما معاي إلا أقلب ذكرياتي..
مع اللي(كنت)أحبه قبل تذبحني طعنة من يمينه..!

حلووو .. واااايد حلوووو

كلمات جميلة وابيات رائعة .. تسلمي اخية

كلمات راااائعة خيتوووا يسلموووا..لا عدمنا هالطرح

يعطيك العااافية

تحياتي

أمووولة

مــــــــــــعبره جدا كـــــلمات من فيض المشاعر

وزفـــرات الصــدر خــرجت انات طعنات غــدرمن ممــخالب الثعـــالب

أبــدعــتي أخــتي روح المــشاعر في انتظار جـديــــيدك

دمــت بخــير وود

اسعدني مروركم الكريم